Գրանդ Ռեզորթ Ջերմուկ հյուրանոցա–առողջարանային համալիր

Գրանդ Ռեզորթ Ջերմուկ հյուրանոցա-առողջարանային համալիրը գտնվում է Ջերմուկ քաղաքի սրտում։ Այս բարձրակարգ համալիրն առանձնանում է իր 92 ընդարձակ և հարմարավետ համարներով, բժշկական թերապևտիկ ծառայությունների լայն ընտրությամբ, ինչպես նաև վերականգնողական և սպա ծառայություններով։

Գրանդ Ռեզորթ Ջերմուկը կատարյալ ընտրություն է նրանց համար, ովքեր փնտրում են հանգիստ, առողջարար ու բուժիչ միջավայր՝ մարմնի և մտքի ներդաշնակությունը վերականգնելու համար։

Համալիրը գտնվում է ընդամենը 200 մետր հեռավորության վրա Ջերմուկի խորհրդանշական հանքային ջրերի ըլմպելասրահից, ինչն այն դարձնում է հարմար մեկնարկային կետ քաղաքի գեղեցկությունները բացահայտելու համար։

Մոտ 20 րոպեում կարող եք հասնել Ջերմուկի ճոպանուղի և վերևից վայելել քաղաքի ու լեռների շքեղ տեսարանները։

Բնության սիրահարների համար առողջարանի մոտակայքում կա գեղեցիկ արահետ, որը ուղեկցում է դեպի հիասքանչ Ջերմուկի ջրվեժը։ Մոտ 1 կմ (25–30 րոպե) երկարությամբ քայլարշավը պարգևում է անզուգական տեսարաններ ու մաքուր լեռնային օդ վայելելու հնարավորություն։

Բացի այդ, ընդամենը 27 րոպե քայլելով կհասնեք նաև քաղաքի խորհրդանիշ դարձած Ջերմուկի եղնիկը՝ գեղեցիկ վայր հիշարժան լուսանկարների համար։

Բացահայտեք Ջերմուկի ողջ գեղեցկությունը՝ հենց ձեր հանգստավայրից մի քանի րոպե հեռավորության վրա։